osCommerce

RILINDJA E SHQIPERISE ETNIKE
[AF100]

$20.00

Click to enlarge

“RILINDJA E SHQIPËRISË ETNIKE” - një libër i ri nga Prof. Dr. Agron F. Fico

(Libri u botua me 2009 nga Shtëpia Botuese "Albin", 210 faqe, f me ilustrime.) “Rilindja e Shqipërisë etnike” është një botim që përmban idealen, Shqipërinë e ëndrrave dhe ëndërrimtarëve. Ka një rrjedhshmëri, një ngjizje të brendshme, si e lindur, jo si gjë e ndërtuar. Një akademik, për herë të parë na jep përmbledhtas, (në një koncentrat) pasaportën shumëplanshe historike-linguistike-kulturore-shkencore të pellazgo-iliro-arbëresho-Shqipërisë.

Ky libër i pashoq për nga thellësia, veçantia dhe bukuria e shtjellimit, i adresohet një auditori po aq të madh sa edhe vetë kombi shqiptar. Në këtë libër njerëzit e thjeshtë mësojnë historinë në shkallën e akademikëve dhe akademiku tregon historinë në gjuhën e rrokshme e të kapshme.

Autori na jep Shqipërinë me vete, jo në raftet e pasosura të volumeve peshë-rëndë, por përmbledhur vetëm në lëndën margaritar, pa i hequr asgjë shkëlqimit të saj shekullor, por duke e sjellë të plotë.

Libri ka plotëri në shkurtësi dhe bukuri. Kur e lexon të skalitet në kujtesë dhe mendje jo gjithë rruga, por gurët e kilometrazhit, bashkë me këndet më të spikatura të udhëtimit të kombit. Pra është një studim fokus, që përqëndrohet dhe jep thelbin e kombit dhe kombasve.

Formati i përshtatet edhe kohës sonë; kohëve dhe dukurive moderne të botës dhe të kombit, ku jeta rrjedh rrëmbyeshëm. Në këtë rrjedhë të lumit të jetës shqiptarët janë brenda kombit, por edhe kudo që shkojnë mbartin jetët, kujtimet, kombësinë, dashurinë, qënien, identitetin, dherave të tjerë, ndaj u duhet ky format i ngjeshur e i mbartshëm i "shenjave dalluese" të kombit. U duhet për veten, për etërit, për fëmijët që sjellin përdore dhe për pasardhësit që do të lënë; jo gjithkush prej tyre do të bëhet historian, etnolog, folklorist, analist, apo specialist i nëndegëve të tyre, që të rizbulojë në thelb tërësinë e kombit. Edhe vetë studiuesit do të gjejnë në këtë libër një këndvështrim sa origjinal të pashoq, aq edhe dinamik, plot jetë dhe kolorit gjallërues.

Në këtë libër përqëndrohet një një vend, në një kuti të vetme margaritarësh, krejt Shqipëria e moçme dhe moderne, me gjithë arritjet dhe përpëlitjet e saj, tërë mjegullimet dhe vezullimet në kohëra, dhënë në një bosht të vërtetë dhe të qëndrueshëm akademik, në kuptimin e mirëfilltë dhe të plotë të kësaj fjale.

This product was added to our catalog on Saturday 19 September, 2009.

Customers who bought this product also purchased

KANUNI I LEKE DUKAGJINIT